Skuadra jonë ka arritur marrëveshje për transferimin e mesfushorit defensiv Anel Sabanodzovic, i cili i bashkohet skuadrës si përforcim i rëndësishëm për vazhdimin e sezonit.
Boshnjaku 26-vjeçar vjen me përvojë ndërkombëtare, pasi gjatë karrierës së tij ka qenë pjesë e klubeve si Zheljezniçar dhe AEK Athens, ndërsa së fundmi ishte pjesë e Omonia 29 në kampionatin qipriot.
Sabanadzovic luan në pozitën e mesfushorit defensiv dhe është produkt i akademisë së Zheljezniçar, ndërsa ka përfaqësuar të gjitha grupmoshat e Bosnjë dhe Hercegovinës.
Me këtë transferim, Ballkani shton konkurrencën në mesfushë dhe fiton një lojtar me përvojë në nivele të ndryshme evropiane, që pritet të japë kontribut të menjëhershëm në objektivat e klubit.
