Futbollisti ynë, Almir Kryeziu, është shpallur “Ylli i Javës” për xhiron e 24-t të Albi Mall Superligës së Kosovës.
Kryeziu pati paraqitje të shkëlqyer në fitoren 3:0 ndaj Dritës, duke realizuar një gol dhe duke asistuar në një tjetër dhe duke qenë kështu një nga më meritorët për triumfin e skuadrës sonë.
Pas marrjes së çmimit, ai u shpreh i lumtur për vlerësimin dhe për fitoren e arritur ndaj një kundërshtari të fortë.
“Ka qenë një ndeshje e vështirë sepse Drita është skuadër shumë e mirë. Jemi përgatitur mirë dhe jemi të lumtur për këtë fitore. Jam i lumtur që jam në formë dhe po mund ta ndihmoj ekipin”, tha Kryeziu pas marrjes së çmimit.
